一至五返工賺錢攰，週末湊小朋友更攰

「自然醒」、百無了賴咁放空、又或者即興約朋友食個飯傾吓計，對於做左爸爸媽媽嘅朋友黎講，都係好遙遠嘅事。因為，屋企入有仲有一個或者幾個老細，等住佢地去應付。

1. 好耐無試過「自然醒」

曾經，「自然醒」係放假嗰日最享受嘅其中一件事。小朋友出世之後，已經好耐無試過喇。佢地比鬧鐘更準時，而且響鬧時間係又佢地自己話事。

2. 返工再忙都有去廁所嘅私人時間

小朋友嘅纏身程度好比貼身膏藥，有時爸爸媽媽要去洗手間，佢地都唔想分開，寧願坐喺爸媽隔離，或者廁所門口呆呆咁等。雖然小朋友嘅真心好可愛，但有時真係令爸爸媽媽有種想抖啖氣都唔得嘅感覺。

3. 週末小朋友上唔上興趣班，一樣咁忙

無論週末小朋友去唔去上興趣班，爸爸媽媽都會一樣忙。去學游水、音樂、畫畫等等，就要趕接送；如果唔去興趣班，難得嘅週末，爸媽梗係想帶仔女周圍去吓，公園、野餐、行山、海灘、科學館等等。帶住小朋友嘅活動多數都消耗大量體力，睇黎週末攰過返工都係無可避免。

Text: Mami Editorial

Photo Source: Shutterstock