傷在兒身 痛在母心！張名雅囝囝腳趾重傷後發現：原來小孩指甲唔可以剪圓形

2012年香港小姐冠軍張名雅（Carat）婚後育有兩個囝囝，分別係大仔Mario同細仔Milo，平時Carat不時都會分享兩兄弟嘅生活。

日前，Carat突然上傳多張受咗傷嘅腳仔相，原來係大仔Mario整親，仲同其他媽媽講解事情經過。Carat話Mario嘅腳趾公畀自己嘅指甲拮到腫咗，結果發炎超痛！

後來，腳趾公仲要愈來愈腫，而範圍仲慢慢擴展。好彩乖仔Mario受咗傷識得同媽咪講，Carat及時帶佢見醫生，情況先至冇再惡化落去咋！

Carat憶述，當時醫生為囝囝拮穿個大水泡，Mario當然痛到爆喊啦！接住落嚟嗰幾日，佢要密切觀察發炎嘅範圍有冇好轉，仲要留意血液循環、腳趾公有冇出血，最緊要係要定時消毒兼重新包紮，Mario仲要食抗生素㖭。睇住Carat咁樣形容都覺得好肉痛啊！直到依家，Mario已經慢慢康復中啦！

今次呢件事件又一次證明傷在兒身，痛在母心！Carat表示，經過今次，佢想同各位家長分享：「原來幫小朋友剪指甲係要剪方形，不要剪圓形，留個角來保護指甲！」大家真係要留意吓啦。

有圖慎入！

A post shared by 張名雅 Carat Cheung (@caratcheung) on Mar 28, 2019 at 8:07pm PDT

Text：Mami Editorial
Source：caratcheung、marioandmilo @Instagram