BB出世不能倒帶 媽媽忘記痛楚捕捉BB出世

10月懷胎嘅過程雖然辛苦，但係當BB出世時嘅一刻，總係令人充滿期待，唔少媽媽都希望可以有人幫自己好好紀錄神聖嘅一刻，但原來由自己親自捕捉感覺更刻骨銘心。

美國攝影師Megan喺懷孕時，一直為生產時紀錄擔心，覺得今次係自己第1個BB出世，如果一唔小心捕捉唔到BB出世，成件事都會變得好可惜，而且係絕對冇得Take2。

於是係懷孕第37周時，Megan萌生咗一個決定，就係由自己拍攝！佢同接產醫生溝通後，就為生產時指攝作準備，決心要親自捕捉仔仔第一個呼吸，第一次張開眼同第一次見面。

Megan憶述指，當時知道就快生得嘅時候，我感受到子官不斷變縮，但每一下痛都提醒自己我唔痛，我要冷靜先可以影到相，所以某程度係減輕咗我痛楚，幫助我分散注意力。

當我感受到BB要出嚟個一刻，醫生都好緊張咁哪Megan老公係時候畀相機Megan，Megan隨即將相機放喺自己肚上面，然後不斷撳快門。

Megan指「當時大家都好緊張我影唔影到，可能職業病發作，我甚至要求醫生熄手術室嘅燈，希望令成張相效果更好！醫生都笑咗出嚟，除咗捕捉到BB之外，都捕捉埋後面接生嘅緊張表情，係一張好完美嘅相。」

喺最後生產一刻，醫生指Megan需要再用力推BB一下，所以最後一張相係由老公同自己一齊按下快門，令到成件事更具意義。

其實Megan亦好多謝醫護人員嘅支持「好多人都認為我嘅諗法係瘋狂，甚至覺得一個自然分娩嘅媽媽又點會做到，肯定我到時會痛到或者攰到影唔到，但醫生評估我身體狀況後，就支持我！」

一切嘅拍攝都令Megan刻骨銘心，係一段回憶嘅捕捉，唔係只留下內心嘅回憶，而係實實在在有照片作為證據。

Text：Mami Editorial

Sources：GMA & Megan Ann Photography