媽媽堅信BB生命力 2姊妹出世後互相抱緊

澳洲有媽媽喺懷孕14周時，發現自己懷上同卵雙胞胎，但雙胞胎不幸係1%罕見單絨毛膜單羊膜類，導致喺7個月時需要剖腹生產。

由於2個胎共用一個胎盤同羊膜，2個BB之間幾乎無阻隔，容易會發生臍帶互纏導致缺氧，存活至6個月嘅機率只有五成。

而媽媽Ann就喺懷孕7個月時發現，其中1個BB情況有異，隨即進行剖腹生産，2個BB囡出世後就已經要到深切治療部，分開照顧。

喺出世27日後，2姊妹情況終於穩定，可以一家人聚首，媽媽Ann憶述，當醫護人員將2個囡囡放喺佢心口時，眼淚就不期然流：「先係Olivia放喺我身上，跟住就到Zoe，Zoe就隨即將自己隻手搭到Olivia身上，2姊妹擁抱個一刻我就係咁喊，我永遠都唔會忘記依一刻。」

Ann指，「由一開始得知BB係罕見單絨毛膜單羊膜類，真係好擔心，醫生亦多次提醒BB可能會流產，但我地只有相信生命力量，一定要堅持到最後一刻，BB未放棄時，我地做爸爸媽女都唔可以放棄！」

Text：Mami Editorial

Sources：Motherly