終於見到小周周！周杰倫罕曬與女兒合照 網友驚嘆：根本係小昆凌

周杰倫自同昆凌結婚後，一改以往對感情事嘅低調，經常會大方喺社交平台上放閃同愛妻昆凌嘅合照，不過二人對兩個孩子嘅保護工作就做到相當到位，從來唔會公開小朋友嘅外貌。不過近日，周董帶同一家人去巴黎旅行，唔知係咪太享受旅行嘅緣故，終於首度放鬆落黎，喺社交平台貼出多張自己同愛女小周周嘅合照，等咗咁耐終於都見到偶像嘅女兒，粉絲們都紛紛興奮留言：「根本係小昆凌無誤！」

周董喺相片中輕輕抱著3歲前世情人小周周，雖然小周周被頭上嘅黑色皮帽遮住咗大半張臉，但係穿搭時尚，加上一雙長腿非常吸睛，網友們都覺得非常有媽媽嘅影子，留言：「小昆凌！」、「小周周太可愛！」

連貼相嘅周董都忍唔住留言：「Romantic moment（浪漫時刻）」可見非常享受同前世情人嘅約會！

不過其實媽媽昆凌都在場㗎！喺周董貼上同女兒嘅合照之際，昆凌亦喺自己嘅社交平台貼上同一地點嘅個人相，眼利嘅網友立即發現昆凌同小周周係配搭好母女裝，兩人同樣戴著型格黑皮帽！

Text：Mami Editorial

Photo Source： 周杰倫@IG, 昆凌@IG