窺探BB喺子宮內嘅生活 瑞典攝影師用12年時間拍攝出絕美胎兒發展過程

由知道有咗BB嘅一刻起，相信媽媽無時無刻都惦記著肚內嘅BB，好奇BB喺呢一刻嘅發育情況： 長出手腳未呢？體積有幾大呢？開始聽到爸爸媽媽嘅說話嗎？一切一切都令媽媽好期待去照超聲波偷睇BB。瑞典嘅著名攝影師尼爾森（Lennart Nilsson）曾經喺1965年發表自己用咗足足12年時間拍攝胎兒喺子宮內嘅整個發育過程嘅相集，由精子同卵子相遇嘅一刻起，直到胎兒足月，每一張相都唯美得令人驚嘆： 生命真係奇蹟！

一齊睇下呢位攝影師嘅作品：

精子喺輸卵管中游走嘅模樣。

呢個睇落好似花一樣咁靚嘅地方就係女性嘅輸卵管。

游咗好耐好耐，精子終於同卵子相遇！

精子成功鑽入卵子中，擊敗逾二億對手成為受精卵！恭喜恭喜！

懷孕第8日，胚胎順利喺子宮壁上著床。

懷孕第24日，胚胎只有一顆從受孕第18日起就開始跳動嘅心臟； 去到第6、7週，胚胎開始逐漸有人嘅模樣，以小巧嘅心臟為中心，長出可愛嘅頭部同短短啲四肢。

第10週嘅胎兒已經長出眼臉，但仍無法完全閉合。

16週嘅胎兒開始會用手腳探索環境，薄薄嘅表膚清楚睇到身體內嘅血管。

20週時，胎兒會吸吮自己嘅手指；26週時胎兒幾乎冇空間活動； 而去到36週胎兒只能蜷曲著身體等待出世。

睇完以上嘅相片，媽媽們有冇被小小嘅胎兒萌到呢？ 相信爸爸媽媽都會好好奇，究竟尼爾森喺嗰個年代係點樣影到以上嘅相呢？據聞佢當時係用內窺鏡同光導管拍攝子宮內嘅情況，呢個大膽嘅做法令佢留下呢批經典、震撼人心嘅相，令大眾得以窺探到胎兒嘅神秘一面。

Text：Mami Editorial

Photo Source： Pinterest