驚覺BB透氣出現異常 媽媽上載片段提醒爸媽要留意

有媽媽喺網上平台上載一段BB瞓覺透氣嘅片段，接近3萬2千人轉載，接近4千個爸媽留言感謝媽媽藉片段提醒，亦指曾遇過類似情況。

媽媽Charlie指，有一日囡囡比平時異常安靜，亦留意到囡囡瞓覺時好似「有啲唔對路」，所以就解開囡囡嘅衫，發現囡囡每次透氣時，肋骨都會同時凹陷，跟住就立即送囡囡入院，發現囡囡原來患有支氣管炎，而且已接近缺氧狀態。

幸運嘅係，醫生指，媽媽及時送BB入院，經過一夜氧氣治療後，BB經慢慢恢復，情況良好。

Charlie指：「原本依段透氣片段只係打算畀醫生睇，但後來覺得要分享畀其他爸爸媽媽，提醒大家唔好以為只係BB感冒，鼻塞所以呼吸困難，其實係好嚴重。」

根據英國醫學網站指，如果BB每次呼吸都出現肋骨吸吮情況，爸媽要立即叫救護車；而支氣管炎通常嘅症狀，包括咳嗽同持續性乾咳，呼吸急促或喘息、餵食後嘔吐或易怒，提醒爸媽唔好以為只係普通感冒傷風。

片段連結 :

Charlie O'Brien

Text：Mami Editorial

Sources：INDEPENDENT