【長命百二歲II】方東昇與初戀女友結婚13年 早喺拍拖前已被外母一眼相中為女婿

繼《世界零距離》後，呢排憑《長命百二歲II》人氣急升嘅無綫主播方東昇，喺節目中繼續創造無數搞笑金句令觀眾睇得津津有味。呢位外表老實正經，實質風趣幽默嘅「冷面笑匠」係一位學識淵博的才子，中學時讀傳統名校，大學時更係一級榮譽畢業，精通多國外語，呢位集才華同幽默於一身嘅完美好男人背後，原來已有一位由初戀陪著走進婚姻嘅靚太太，婚後方東昇對老婆讚不絕口，更曾公開稱讚太太：「美得令人舒服！」，恩愛程度令人羨慕！

據聞方東昇喺讀書時期非常勤力，所以一直專注學業無拍拖，直到26歲被邀請為舊同事吳先瑩婚宴擔任婚禮司儀，對當時為姐姐做伴娘嘅吳先玲（現任太太）一見鍾情，旋即展開猛烈追求，其間方東昇知悉吳先玲係基督徒，所以亦積極參加教會活動，成為基督徒，最終成功抱得美人歸。

婚後方東昇對老婆非常專一，不時大讚對方有內涵、心地善良，非常欣賞老婆。而方東昇嘅外母亦對呢個女婿非常滿意，大爆之前曾經喺新聞報道中見到佢就覺得呢個男仔好唔錯，如果有個咁嘅女婿就好喇！結果竟成真，就好似冥冥之中早已註定！

而方東昇亦係一名孝順仔，早於2000年就決定同媽媽聯名買樓，婚後同老婆、媽媽一齊住。而老婆同媽媽嘅相處非常融洽，完全冇婆媳糾紛問題。一家人和睦共處，非常幸福！

Text: Mami Editorial

Photo Source： TVB