BB出世後 開始對老公產生煩躁感 原來係同媽媽嘅荷爾蒙有關

BB出世後 開始對老公產生煩躁感 原來係同媽媽嘅荷爾蒙有關

家庭關係
Byrachel.lo on 21 Jan 2020

自BB出世後,媽媽都會對懷胎十月、得來不易嘅BB展現無盡嘅母愛,樣樣照顧周到,只希望BB健健康康長大;反而對於想幫手照顧BB嘅老公,經常會產生莫名嘅煩躁感,感覺老公嘅幫唔到手、甚至覺得老公本身嘅存在就係妨礙自己好好照顧BB,所以對老公不自覺講出語氣重嘅說話或冇好臉色,令老公感到不被尊重同委屈。

shutterstock_165171365

好多媽媽會將對老公嘅煩躁感歸究於老公嘅「豬隊友」行為,如:「我好唔容易先氹瞓著嘅BB被老公行路腳步聲嘈醒!」、「連幫BB著衫咁小嘅事都做唔好!又要我做返!」、「老公半夜瞓得真係好!得我起身安撫喊緊嘅BB!」、「想俾BB扶著梳化行,偏偏老公坐喺梳化玩電話!」、「屋企已經多嘢做,老公就出去玩!」、「我湊咗成日BB已經好攰,夜晚老公竟要求親熱,好討厭!」好多令媽媽對老公產生不滿嘅原因,都係同BB有關。

shutterstock_780934210

媽媽眼中只有BB嘅需要,而忽略老公嘅感受,呢種心態上嘅取向原來係同媽媽身體內嘅母親荷爾蒙 - 催產素有關。催產素除咗會喺媽媽生產時令肌肉收縮,引發陣痛將嬰兒擠出子宮外,亦可以令乳腺肌肉收縮、擠出奶水,喺生產同哺乳中起著重要作用。

而催產素亦可以令愛情增溫,曾有實驗證實,催產素可透過嗅覺神經滲透到大腦內部,令媽媽對孩子嘅愛意加深、情侶間嘅愛情升溫,加深了親子與夫妻間的愛情。

廣告
廣告

不過催產素喺產後媽媽身上,亦會帶黎另一種意想不到嘅效果。

shutterstock_153474062

曾有一項實驗對比兩對老鼠母子,其中一邊去除咗老鼠大腦中嘅催產素受體,令催產素無法對大腦產生作用。先喺正常母老鼠附近放入其他老鼠,結果照顧著小老鼠嘅母老鼠對侵入嘅老鼠展開激烈攻擊。然後,喺催產素無法對大腦產生作用嘅母老鼠附近同樣放入其他老鼠,神奇嘅係,無論侵入嘅老鼠有幾接近小老鼠都好,母老鼠都完全無所謂。

由此可見,催產素亦會對妨礙育兒嘅對象提升攻擊性,亦正正解釋點解產後媽媽會感到老公特別唔順眼,催產素喺一般水平嘅媽媽會對老公感到愛意,係愛情荷爾蒙; 但係產後至哺乳期,媽媽體內嘅催產素會急劇增加,轉變為攻擊荷爾蒙,所以會對妨礙對象嘅攻擊性亦會提高。

Text:Mami Editorial

Source:紐約大學醫學院

Share to Facebook