BB好抗拒刷牙 令父母非常頭痛？ 令BB乖乖刷牙3個方法

好多BB對於刷牙都會表現拒抗，如喊晒口、打開枝牙刷、合實嘴仔等⋯⋯令父母無從下手，非常頭痛。面對防守森嚴、一臉唔情願嘅BB，爸爸媽媽既無奈又唔能夠輕易妥協，畢竟引致蛀牙嘅話，最終受苦嘅都係BB。各位頭痛中嘅爸媽可以試試以下4個方法，改善BB討厭刷牙嘅感覺：

1.挑起BB模仿欲望

BB好多時都係受軟唔受硬，如果夾硬捉實BB強行刷牙，令BB留下唔愉快同恐怖嘅回憶，以後想為BB刷牙就難上加難！爸爸媽媽可以故意喺BB面前刷牙，亦畀BB拎住自己嘅牙刷，等BB對手上嘅牙刷產生興趣，然後偶爾嘗試模仿父母嘅舉動，當BB嘗試自己刷牙，呢個時候父母可以稱讚BB，受到鼓勵嘅BB會逐漸感到刷牙都係一件開心嘅事。然後爸爸媽媽可以試下握住BB手，幫手完成刷牙。

2. 互相刷牙

父母喺同BB刷牙嘅時候，亦可以請BB拎父母嘅牙刷為父母刷牙，畀BB知道刷牙唔係父母專門懲罰BB嘅行為，而係大家都會做嘅事。父母張開口畀BB刷牙嘅時候，亦可以引導BB張開口，方便父母為BB刷牙。

3. 講故事

較大嘅BB都愛聽故事，所以爸爸媽媽以多向BB講出唔刷牙會有咩後果嘅教育故事，教導BB正確嘅護理牙齒知識。

BB嘅刷牙習慣應該要從小培養，爸爸媽媽千祈唔好因為BB唔願意而放棄為BB刷牙呀！

Text：Mami Editorial