戲內戲外同樣帥到掉渣 Iron Man羅拔唐尼暖爸形象帶仔女暢玩迪士尼

作為Marvel超級英雄元老級代表嘅「Iron Man」羅拔唐尼 (Robert Downey Jr.)喺戲內擁有極高智商、性格抵死幽默、又深愛情人「小辣椒」，加上一身高科技又炫目嘅盔甲，無論喺戲內戲外，都風靡世界萬千男女。而喺戲外褪下「Iron Man」身份嘅羅拔唐尼，日前就被目擊帶同一對仔女遊迪士尼，溫馨嘅親子日常更令呢位超級英雄爸爸形象更討好！

羅拔唐尼憑「Iron Man」一角深得觀眾們寵愛，喺事業攀上最高峰，成為超級巨星。而喺家庭生活方面，現同第二任太太Susan Downey共同育有仔仔Exton及女兒Avri，可以話家庭事業兩得意，令人羨慕不已！

呢位喺大銀幕前總係帥氣迫人、衣著講究、渾身散發成熟男人韻味嘅當紅超級英雄，日前就被目擊穿著一身休閒平民服飾帶同仔女出現喺迪士尼，時刻展露切笑容，身上更掛有女兒嘅可愛粉紅水樽，反差萌嘅外表令在場目擊嘅人們都感到非常驚喜，原來超級英雄嘅日常係咁平易近人！

羅拔唐尼被拍得全程都落足心力陪寶貝仔女玩盡園內嘅遊樂設施，毫不敷衍了事，唔單止會坐喺地上邊睇遊行表演邊影相，更會不時為仔女影相留念。

其間更一度讓4歲小女兒 Avri 騎膊馬，任女兒坐喺自己嘅肩膊上，父愛爆棚嘅畫面令粉絲們都激動不已！

淨係睇相都令小編相當羨慕羅拔唐尼嘅一對仔女，有一個超級英雄嘅溫柔暖爸真係好幸福呀！

Text : Mami Editorial

Photo Source：Pinterest, dailymail