胡杏兒囝囝Brendan人細鬼大 唔肯叫杏兒做媽咪？

39歲藝人胡杏兒前排公佈佗有第二胎，囝囝Brendan一歲幾就升級做哥哥，三年抱兩嘅杏兒今個新年就邀請左一班圈內好友同幾對星爸星媽一齊BBQ，包括有胡說八道會一班姊妹，仲有車婉婉一家、宋熙年一家、蘇永康一家，咁啱幾對星爸星媽嘅小朋友都係男仔，場面相當熱鬧。

尋日杏兒好友胡定欣就係社交平台發佈左張杏兒囝囝Brendan一年前同一年後嘅相感嘆Brendan大得快，相中見到飲媽媽奶大嘅Brendan由上年新年圓潤到今年新年，表情依舊係天然呆。

定欣除左話Brendan大得快，仲係相下面話：「睇住小朋友長大就感受到時間真係過得好快好快好快，快到~~~~~~呢位小朋友擁有強勁基因，轉眼間，你已經識行識走。最正的係你已經Skip左唔係叫"媽咪"，係叫"杏兒"，契媽sssss真係好期待同你玩同你對話。Baby Lee⋯祝你快高長大，聰明伶俐。」大爆原來Brendan skip咗叫媽咪，直接叫咗媽咪做「杏兒」。相信每個爸爸媽媽都係暗地裡想自己仔女叫自己爸爸或者媽媽先架喇，點知今次杏兒同老公Philip都應該失哂預算，原來囝囝嗌「杏兒」先。

Brendan嘅星級契媽們都表示好想快啲同Brendan講嘢啊，有呢班「胡說八道」嘅契媽，相信Brendan日後講嘢都會好口齒伶俐！

講到天然呆，同場仲有車婉婉囝囝BBQ同Brendan一齊鬥呆。

Text : Mami Editorial

Photo ：胡杏兒，胡定欣，車婉婉@Instagram