囡囡遺傳最強基因 藝人都話JJ賈曉晨真識生

36歲JJ賈曉晨16年同樊少皇結婚1年後就誕下愛情結晶品「小飯兜」，而小飯兜嘅美貌仲超級吸精，令JJ嘅社交網站一張相就有580萬網人睇！

JJ開始時好保護小飯兜，好少公開囡囡正臉相，但囡囡嘅美貌真係遮唔住，喺小飯兜1歲後，JJ開始分享囡囡可愛照，點知一放就收唔返，唔少網民都話：「JJ同樊少皇嘅基因實在太強勁，所有好基因都傳到小飯兜。」

喺小飯兜1歲生日時，唔少藝人都大讚小飯兜係「小美人」，問JJ同樊少皇點解咁識生，皮膚白白滑滑，眼睛圓圓大大！可能小飯兜真係天生小美人，因為前排媽媽就分享咗張小飯兜將手指仔擺喺唇邊嘅相，令媽媽笑住話：「係性感嘴唇pose嗎？」

囡囡嘅可愛照令媽媽賈曉晨都呷醋，話不如將自己社交網站改名叫「小飯兜」，仲話「睇嚟我已經被冷落，咁就唯有繼續發大家嘅小飯兜相」。

Text：Mami Editorial

Photos：JJ賈曉晨@微博