胡杏兒爭取3年抱兩成功 宣佈懷有第2胎

39歲胡杏兒爭取3年抱兩成功！繼17年生下大仔Brendan後，今日終於再有好消息，分享再懷第2胎！

杏兒剛剛生日嘅時候，老公就帶埋佢同仔仔一齊去馬爾代夫過咗個豪華生日，由於馬爾代夫依個地方對杏兒嚟講係一個特別地方，因為當初佢就係喺當地旅行時宣佈懷孕，所以今次去完旅行就傳出佢再懷孕嘅事。

而返到香港出席活動時，杏兒都無正面回應，有眼利嘅記者就覺得杏兒孕味濃烈，衣著明顯較寬鬆，問係唔係有咗，杏兒就笑住話：「總之有好消息就話畀大家知。」

今日杏兒終於大方分享好消息，仲笑指自己李家係農場，留言話：「豬寶寶终於加入，李氏農場可以開張了！」伴隨一串動物符號，相信係一家嘅生肖。

1歲多嘅Brendan出世後，深受愛戴，當中更係唔少得胡說八道會一班「契媽sss」，之前「契媽sss」為左氹Brendan開心，輪流唱歌跳舞畀Brendan，仲話排住隊氹佢瞓，相信杏兒嘅豬寶出世後，可以分擔下哥哥嘅應酬喇！

Text：Mami Editorial

Photos：胡杏兒@IG