湊小朋友時不經意練成左嘅小秘技

媽媽由BB出世嘅第一日開始，照顧BB嘅時候都會遇到好多新嘗試，不知不覺間，就會做到好多媽媽自己都無諗過會做得到嘅事。以下呢三個小秘技，相信有好多媽媽，甚至爸爸，都已經成功練成。

1. 徒手測感體溫

BB每次發燒，都會定時幫佢用探熱針量度體溫，同時都會用手摸吓佢嘅額頭同頸背。不斷累積經驗之後，摸到BB額頭，就已經可以知道BB唔舒服發燒，因為徒手都分辦到比平時熱好多。

2. 徒手接住BB嘔吐物

小朋友，尤其係BB，唔舒服嘅時候好多時都會嘔吐，媽媽經驗豐富，又清楚BB嘅表情同反應，第一時間就可以用紙巾、紗巾、甚至徒手接住啲嘔吐物。去洗手，比起換衫仔換床單方便好多，而且BB已經唔舒服，可以比BB快啲休息番，係媽媽嗰一刻覺得最重要嘅事。

3. 邊餵飯邊吃飯

餵小朋友食飯嘅同時，自己都快快食，係爭取時間嘅最好方法。呢個可能係最簡單而且最快練成嘅小秘技。

Text: Mami Editorial