幸福人妻吳日言老公搞笑蝦碌做壞事

35歲歌手Yan吳日言同拍拖17年嘅老公Barry係2016年結束愛情長跑正式註冊結婚，今年宣布懷孕。係11月25號啊Yan生日當日，囡囡Beatrice出世，呢份生日禮物為啊Yan同Barry帶黎完美嘅家庭生活。

作為新手爸爸媽媽嘅佢地為囡囡嘅事親力親為、落足準備，不單止同囡囡安排初生拍攝、打腳印等，大家以為呢啲只係門面功夫，連洗囡囡嘅衫都係佢地自己落手，唔假手於人架。

睇黎呢個新手爸爸忙住幫手湊BB無時間做運動嘅關係，主動請纓幫手手洗BB嘅衫當運動。盡責又愛女心切嘅爸爸擔心洗完啲衫會滴水唔乾，就出盡全力扭乾啲衫，連青筋都現埋。結果，力嘅表現從囡囡嘅衫仔完全可以睇到出黎，所有和尚袍嘅繩都比爸爸扭斷哂～

老婆啊Yan係隔離見到真係唔知好嬲定好笑。不過唔洗諗，Barry一定係知道產後媽媽心情容易低落，想為老婆帶黎歡樂呢！

之前啊Yan生囡囡嗰時，Barry在旁陪產支持老婆，當啊Yan每痛一下就大力抓實Barry隻手一下，最後Barry手背傷痕累累。

從呢啲事蹟就知道Barry有幾愛啊Yan同囡囡，啊Yan都自稱為幸福人妻。未來嘅日子一定要繼續幸福、歡樂咁生活啊！

Text：Mami Editorial

Sources & Photos：吳日言@Instagram