金管局收銀車2019年最新時間表 巡迴18區等你去換

「唔好意思，我哋依度唔洗毫子。」每次買嘢聽到依句都會有小小失落，久而久之就喺屋企儲咗一大堆毫子，但原來金管局係有提供收銀車畀大家去換錢架！

香港金融管理局已喺日前公布今年年底至2019年3月中，收銀車服務地點同時間，服務時段為上午10時至晚上7時，每個地區會停泊1-2次，大家可以留意以下時間，揀啱時間去換喇！

另外，大家唔洗預先將唔同面值嘅硬幣分開，只要到時去到收銀車將一大堆硬幣倒入點算機就可以換到錢㗎喇！知道大家可能儲咗好多年毫子，但記得換前要先清理硬幣當中嘅雜物同塵埃，唔係部機就會運作唔到！如果有問題嘅硬幣點算機會退還。

收銀車服務人員會先拆除大家帶嚟嘅包裝，將所有硬幣倒進膠盤然後進行點算，如果發現有啲硬幣有染色、沾水、發霉或舊到認唔到嘅硬幣，就會換唔到，會取出並交還返畀你，每人每次回收上限為大約10公斤硬幣。收銀車內設有電子磅，超出10公斤者就要再排隊。

大家可將經點算咗嘅硬幣全數換作現金，或將全數或部分用作增值至儲值支付工具，例如八達通卡或電子錢包（包括支付寶香港，八達通O! ePay，拍住賞，TNG Wallet及WeChat Pay）。但記得收銀車只接受找換港幣㗎渣！

Text：Mami Editorial

Sources：金管局

Photos：Shutterstock