想知BB第日會做咩職業？不妨玩下傳統「抓周」活動預測BB前途

終於都等到BB滿1歲嘅大日子！爸爸媽媽除咗可以同BB舉辦一個溫馨嘅生日會外，原來喺傳統上，滿周歲嘅小朋友仲可以進行一項簡單又有趣嘅儀式——「抓周」。

抓周，係東亞一種BB滿周歲嘅時候，用嚟預測前途嘅傳統儀式，亦算係BB嘅第一個個性取向嘅測試。最早可以追溯到魏晉南北朝時代，當時《顏氏家訓》就有記載過抓周之禮：「江南風俗，兒生一期（即滿週歲）為製新衣，盥浴裝飾。男則弓矢紙筆，女則刀尺針縷，並加飲食之物及珍寶物玩置之兒前，觀其發意所取，以驗貪廉愚智，名之試兒。」

古代嘅抓周除咗會準備各種物品畀BB抓取嚟測試未來職業外，儀式亦相當隆重，父母唔單止會設宴款待親朋好友，仲會帶埋BB一齊拜神同祭祖。

今時今日嘅抓周儀式就簡單得多，爸爸媽媽都會當係BB生日嘅一個小遊戲。一般會喺BB面前擺放12至18樣（通常係6嘅倍數，取其六六大順嘅好意頭）代表唔同職業嘅物件任由BB抓取，藉以預測BB將來會選擇嘅行業。

供參考嘅抓周物件：

注意事項：

1. BB拎喺手上玩得最耐嘅東西，先可以反映出BB嘅真正興趣。
2. 準備嘅物件最好事先都畀BB接觸過，或完全冇見過，避免BB被新鮮嘅事物吸引而去拎，影響結果嘅準確度。
3. 避免選擇易碎或構成危險嘅材質或配件。
4. 想測試更準確，可以畀BB兩次抓取物件嘅機會。

Text: Mami Editorial