生仔就係媽媽多個小情人，少一個小情敵。

好多媽媽鍾意囡囡，因為可以幫佢打扮，而且覺得將來囡囡會痴屋企多啲，陪自己多啲。其實，仔囡都無所謂，最緊要BB健健康康，開心快樂。而且，生仔都有好多好處㗎，呢三樣嘢係生仔仔獨有嘅福利。

1. 繼續係老公心目中唯一嘅情人

好多人都話，囡囡係爸爸嘅前世情人，而仔仔就係媽媽嘅前世情人。生仔嘅話，多咗仔仔做小情人之餘，喺老公心目中仲可以繼續係第一位。生囡就未必保得住女皇嘅地位喇。

2. 同生女比較，慳返好多置裝費

想去買啲新衫比小朋友，睇黎睇去，發覺無嘢買，慳返唔少。唔係偏心，而係件件差唔多，無咩選擇。我估有仔仔嘅媽媽，都有呢種感覺，明明想去睇下㗎，但好多時都空手而回。

3. 陪仔仔打波踢波嘅事，明正言順咁等爸爸包辦

爸爸同媽媽嘅陪伴都咁重要，不過運動量大嘅活動，特別係打波踢波嗰啲，留返比爸爸就最適合喇。

Text: Mami Editorial