小孩毛孩不能共存？ 養寵物對小朋友有3大好處

對於有小朋友嘅家庭黎講，通常都唔會考慮養寵物。

因為大家都會擔心養寵物有機會對小朋友帶黎負面影響，但對於呢個疑慮，醫學上早已有不同研究去證明養寵物對小朋友反而有正面影響。

所以各位家長都不防考慮為小朋友添加一位寵物玩伴。

1.心靈更強大

小朋友可以透過幫忙照顧寵物，最初可能只係好簡單幫忙補給糧食，但慢慢都可以培養到小朋友嘅責任心同同理心。

從少接觸寵物都可以令佢地更有愛心，識得點樣善待他人，唔洗擔心小朋友日後蝦蝦霸霸。

加上如果小朋友可以完成照顧寵物嘅任務，佢地從而會肯定自己、對自己更有自信，日後亦會更放膽嘗試新事物。

2.身體更強壯

研究報告指出由嬰兒時期開始養寵物，係會大大產生身體對動物過敏原嘅抗體。

而且係一歲前經常接觸寵物的話，相比無接觸體寵物嘅小朋友免疫系統會更強壯，患呼吸系統疾病、有過敏體質嘅風險亦會相對減少。

另外如果小朋友可以同寵物一齊散步，都相對增加左小朋友嘅運動量同户外活動嘅機會，沿路小朋友又可以呼吸一下新鮮空氣，身體自然更強壯。

3.提升社交能力

如果小朋友係獨生，屋企無兄弟姊妹陪伴玩樂，爸爸媽媽亦唔洗自責陪唔到小朋友，寵物反而可以成為佢地嘅小玩伴。

小朋友同寵物相處嘅時候，都可以提升到社交能力。到日後返學，小朋友都會更樂意認識新朋友。

加上到小朋友大個，如果有唔開心可以同寵物傾訴，雖然寵物唔可以用言語去開解佢，但可以令小朋友有一個抒發嘅渠道，壓力都會少啲添。

Text: Mami Editorial