女人子宮好緊要 6大養宮食物你要知

子宮作為孕育新生命嘅地方，所以子宮嘅健康好重要。

而且子宮健唔健康都好影響皮膚嘅狀況，加上子宮嘅環境好先可以吸引到受精卵著床。

不論係想生BB定係岩岩生完BB，都應該好好咁保養一下子宮。

要為人所知嘅養宮食物當然離不開紅棗、枸杞、薑等等，以下幾種食物不單止有助暖宮，亦有養顏、修身之用，女士們都應該閒時進食一下。

1.黑豆

中醫角度指「黑豆乃腎之谷」，係補腎佳品。

而且含有豐富維生素E、B，比起進食肉類所吸收到嘅多五至七倍，有明目、抗氧化之用。

2.白蘿蔔

俗語話「冬吃蘿蔔，夏吃薑」，原來白蘿蔔有「地下小人參」之稱，唔單止水份高有助解毒生津，而且有豐富維生素C、鈣質，可以促進血液循環、排毒。

3.堅果

堅果類食物係植物中嘅精華，例如花生、核桃、杏仁等，含有大量嘅維生素E、葉酸、膳食纖維同蛋白質。

加上當中嘅微量元素有助於子宮嘅修復，所以產婦都應該適量咁進食。

4.紅豆

減肥佳品紅豆唔單止可以去水腫，當中仲有蛋白質、維他命B。

仲可以改善貧血，係好多女性養生食療菜單中都會有紅豆嘅出現。

5.黃豆食品

例如豆腐、豆漿、豉油。黃豆係豆中之王，當中嘅大豆異黃酮同雌激素相類似，都有助於調理月經。

加上蘊含蛋白質，可以改善脂肪囤積係身體嘅比重。

6.當歸

本草綱目入面指當歸調血，為女人要藥。當歸有補血、活血之用，係中醫方面常用於調經之用。

由此可見，暖宮先要養血，養血必用當歸。

Text：Mami Editorial

Photo : Pinterest