有趣嘅胎前記憶 等BB親口講你聽點解揀你做媽媽

各位媽媽記唔記得之前大台劇集BB來了，開劇第一幕係講有好多BB係雲層上揀媽媽架呢？

可能大家都無深究過點解會咁鋪排，其實係有根有據架。

據日本婦產科醫生池川明研究同統計得出，BB係擁有胎前記憶，即係指BB記得出世前嘅事，包括係媽媽肚入面嘅點點滴滴。

日本醫生池川明都因應唔同嘅實例，撰寫成多本有關胎前記憶嘅書，例如《媽媽，我記得你》、《媽媽，我是為你而來的》等等⋯⋯

當中提及左每一個媽媽都係被選擇嘅，而每個媽媽都係因為唔同原因而被選上。

「因為你哭，所以我來安慰你。」

「因為我想讓你笑。」

「我是為了跟媽媽說我最喜歡她才來的。」

雖然聽起黎好似只係小朋友嘅童言童語，但當問得更深入時，唔同小朋友嘅答案竟然有共通點。

問到去媽媽肚前嘅環境、點樣揀媽媽：

「住在雲上面。」

「與仙女一起在雲上看，覺得媽媽最好，就飛到媽媽那裡了。」

「天上有很多小孩，稍微大一點的孩子照顧這些一孩，他們從天上下降要投胎，我也是那時決定要到媽媽那兒。」

「在媽媽身邊繞了一圈，發現有個入口，就進去了。」

「我是選健康的肚子進去的啊。」

問到係媽媽肚入面嘅情況：

「裡面紅色的，還有血。」

「那裡很溫暖、很舒服，只是暗暗的。」

「水暖暖的，有點鹹，我都在玩繩子，有時候喝很多水。」

「我的肚子上有根繩，我都會甩著玩。」

「在裡面游泳，還有睡覺，不過我會撞到牆。」

「裡面很黑，但總聽到媽媽的聲音。」

自己出世嘅情景：

「聽到一聲響後，眼前就亮了。」

「我用鐵頭功，這樣一撞我就出來了。」

「有人說可以出來，我便出來了。」

「我原本打算出來，但上帝叫我多待幾天，我後來先出來了。」

如果媽媽都想問下BB嘅胎前記憶，要盡可能係BB比較放鬆、冇太大戒備下問。

若然BB係唔願意答，千其唔好再追問。因為胎前記憶係BB內心深處嘅一個寶藏黎。

而且最好係BB三歲前問，因為胎前記憶係會隨住年紀增長而淡忘。加上小朋友返學後會被灌輸左書本上嘅知識，咁就會左右左BB嘅答案。

Text: Mami Editorial