神奇胎夢預測你會唔會有BB?

胎夢泛指一切同懷孕有關嘅夢，不論係未懷孕定已懷孕。

雖然醫學上冇依據指胎夢一定會成真，但夢代表住人嘅潛意識。

可能近期接觸得多有關BB嘅嘢、身邊有朋友懷孕等都會比較大機會夢到有關BB嘅夢。

而且確實有媽媽舉證胎夢可以揭示到近期會唔會懷孕。

媽媽你地又有冇曾經夢見過呢啲夢境呢？

1.夢見小動物

特別係蛇或者狗，都係指將會懷孕。而且可以透過動物嘅顏色同大小偏向邊個性別特徵多啲去預測係男仔定女仔。

例如大蛇、黑狗就係男仔，花蛇、白狗就係女仔。

可能因為小動物係代表住生命，所以夢境中嘅小動物好大機會代表住你將來嘅小朋友。

2.夢見小朋友

如果直接夢到小朋友，而且係小朋友主動親近你，可能就係你日後嘅小朋友提早黎同你係夢中相見。

3.夢見嬰兒

夢見有人送BB到你身邊，可能會係你嘅親人、唔識嘅人又或者係觀音，寓意送子。

如果見到BB個樣，可能會知你會陀男仔定女仔添架。

4.夢見懷孕

如果夢見自己懷孕，甚至係你身邊嘅人夢見你懷孕，都據稱將會懷孕。

有媽媽話親人曾經話夢見過幫佢抱住個仔，無諗過半個月後真係驗到有BB，而且真係男BB添啊！

雖然胎夢唔係每個媽咪都會有，而且夢到啲咩都視乎唔同媽媽而有不同。

但聽落真係覺得胎夢好神奇啊 ～

Text: Mami Editorial