唔好怕畀BB食油 其實油分都有好處 BB幾時可以開始食油？

好多媽媽一聽到餵BB食油，都會覺得好匪夷所思，認為油係「唔健康」嘅食物，擔心油分會加重BB嘅腸胃負擔。事實上，BB自6月月大起可以順利進食副食品，媽媽就可以喺副食品內加入適量嘅植物油。

油脂係人體重要嘅營養素之一，BB嘅身體、大腦同神經嘅發育都需要脂肪酸參與。其實，BB早喺出世嘅時候就已經會由母乳中獲取油脂，當中嘅多種不飽和脂肪酸DHA、EPA等對BB嘅大腦發育非常重要，所以BB喺頭6個月都唔需要額外補充油分；但當BB約6個月大之後開始進食副食品，母乳嘅營養成分已經唔能夠完全滿足BB，包括油脂嘅量，所以只要把握好用量，攝入食用油對BB嘅生長發育是有好處。

有啲媽媽或者會覺得，BB可以喺蛋黃、奶類或肉類獲得足夠嘅脂肪，所以唔需要食油。但實際上植物油嘅脂肪酸同動物油、肉、蛋、奶裡面嘅脂肪酸組成並唔一樣，營養特點亦完全唔同。

油脂可以分為飽和脂肪同不飽和脂肪，飽和脂肪係常見嘅動物油，如豬油、牛油、羊油等；不飽和脂肪就是我哋常食嘅食用油，如橄欖油、葵花籽油、玉米油，大豆油、芝麻油等。唔理係BB定係大人，都應儘量食不飽和脂肪油，動物油雖然比較香，但唔係好油。

由於每種植物油都有唔同嘅營養同特點，媽媽唔需要限制BB只攝取其中一種油分，最理想係各種植物油都可以交替使用。每次落嘅油量唔需要多，只要1、2滴就已經足夠。

Text: Mami Editorial

Source： 衛生署