大時大節想幫BB扮靚靚 但媽媽心思總係冇人識欣賞 最常被糟蹋嘅3個媽媽心思

大時大節，媽媽都希望將屋企佈置得好好睇睇、BB打扮得靚靚、煮一餐美味又可口嘅菜餚，然後影張溫馨大合照留念⋯⋯不過理想同現實往往係兩回事，實際做出嚟嘅效果就會變成咁！

1.幫BB戴頭飾被秒速扯落嚟

幫BB著好衫之後，如果再為BB戴上一頂精緻嘅帽或美美嘅頭飾，更有畫龍點精嘅效果！但對於頭頂無啦啦多樣嘢嘅BB嚟講，就會覺得好唔慣或唔舒服。所以BB都會將頭上嘅飾物秒速扯落嚟，唔畀媽媽喺自己個頭上放任何嘢！試多幾次都唔成功嘅媽媽，唯有放棄⋯⋯

2.屋企佈置被破壞

諗住將屋企好好佈置一番，作為同BB影靚相嘅背景，點知BB對唔同咗樣嘅屋企感到非常新奇！於是，扯下呢樣、整下嗰樣，不知不覺將媽媽嘅精心佈置都破壞晒⋯⋯

3.佳餚冇人識欣賞

大人好多食物都係BB未食得住，所以媽媽都會精心炮製BB專屬嘅食物，例如生日蛋糕等。點知BB對媽媽花盡心思製作嘅食物完全冇興趣，令媽媽覺得好無癮⋯⋯

Text: Mami Editorial