download MamiDaily 親子日常 app
湊大爸媽嘅爺爺嫲嫲同公公婆婆,湊B嘅方法同態度,好多時同爸媽唔一樣。

湊大爸媽嘅爺爺嫲嫲同公公婆婆,湊B嘅方法同態度,好多時同爸媽唔一樣。

家庭關係
By yan.kwan on 05 Nov 2018
Part-time Editor

有爺爺嫲嫲、或者公公婆婆幫手湊BB嘅爸媽,應該都一定同佢地發生過有關湊B嘅衝突,係好正常嘅事。因為兩代之間一定有啲諗法同做法唔同,其實大家都係為左想BB開心健康成長。就算有唔同嘅諗法 ,只要多啲溝通,總可以搵到一個大家都滿意又開心嘅方法。

 

1. 長輩靠經驗,爸媽信資訊

shutterstock_589076057_2

長輩通常都相信自己嗰套多一啲,因為係佢地嘅親身經驗。而爸媽就會相信佢地得到嘅資訊多啲,尤其係嚟自可靠嘅來源,例如,醫生、醫院、健康院等等。因為兩代都好肯定自己嗰套係唔會錯嘅,所以好容易發生衝突。

shutterstock_103995743_2

其實,有時需要變通吓,個個BB都唔同,適合佢地嘅嘢都會有啲唔同。長輩講嘅,有時可能因為時代唔同已經唔同咗,而爸媽嗰套,有時都可能要因應情況而定,唔可以一成不變。

 

2. 長輩有時過份遷就孫仔孫女

shutterstock_1028178196_2

大家可能都聽過呢句說話:「仔係要嚟教,孫係要嚟縱」。可能事實無咁嚴重,但好多老人家見孫仔孫女咁可愛,本身已經好鍾意好錫佢地,加上諗起自己嘅仔囡咁細個嗰時嘅模樣,就好容易心軟。

爺爺嫲嫲同公公婆婆心裡面可能就會諗,教仔囡係父母嘅責任,錫孫仔孫女先係佢地嘅責任。所以好多長輩都好少拒絕孫仔孫女嘅要求,慢慢就好容易變成比較縱容佢地。

 

3. 長輩相對鍾意幾時都抱實BB

shutterstock_402621112_2

當BB無喊嘅時候,究竟好唔好成日抱住佢地呢,我諗爺爺嫲嫲同公公婆婆多數會一邊抱住BB,一邊同BB講:「唔可以成日抱㗎~抱多一陣就要放番你落床仔㗎喇。」。

 

Text: Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道