download MamiDaily 親子日常 app
新手媽媽壓力大 常有呢3種情緒 你可能有新手媽媽症候群

新手媽媽壓力大 常有呢3種情緒 你可能有新手媽媽症候群

家庭關係
By rachel.lo on 18 Oct 2018

生活中多咗一個小生命,媽媽就成為呢個小生命嘅主要負責人,當呢個小生命唔舒服、生病、出現各種狀況時,更會令媽媽湧現各種不安、擔驚受怕等負面情感,如果各位媽媽時常出現下面3種情織,妳可能有新手媽媽症候群!

shutterstock_621511919

1.抑鬱

好多媽媽都會有嘅情緒,原因係生產後嘅媽媽女性荷爾蒙會驟降,加上喺生產過程受到驚嚇、身體虛弱、傷口疼痛同照顧小孩所帶嚟嘅唔適應等,輕則會令媽媽出現頭痛、暈眩、失眠、發噩夢、煩躁、疲憊、易怒、容易哭泣等短暫現象,但通常會喺產後3~10天以後自然消失;重則係產後抑鬱症,令媽媽長期心情低落、疲憊、失眠、食慾不振、對鍾意嘅人或事失去興趣、甚至會覺得自己冇能力應付而家嘅生活等,抑鬱嚴重嘅媽媽甚至會有傷害自己或BB嘅念頭,不容忽視。

shutterstock_614707322

2.焦慮

媽媽會好容易因為BB有少少唔妥而擔心同緊張,特別係照顧BB之餘又要同時要承擔其他壓力,如:工作、家庭關係等等,令媽媽出現焦慮嘅反應,症狀包括心悸、心跳加速、泌乳減少、消瘦、胃口變差、無法專注眼前事物,同埋過度擔憂自己同嬰兒嘅狀況。

shutterstock_1167239254

3.暴躁

媽媽會好難控制自己而對老公或BB生氣,好多時係因為媽媽通常要承擔大部分照顧BB嘅責任,但另一邊或家人往往好難理解媽媽面對嘅轉變同挑戰,令媽媽喺缺乏照顧同支持嘅情況下,容易感到憤怒。

shutterstock_611432453

以上都係新手媽媽好常會出現嘅情緒,對心理同生理方面都構成影響,所以媽媽係時候要學識控制自己嘅情緒。當情緒就快要爆發嘅時候,可以嘗試搵一個安靜嘅地方獨處,利用深呼吸緩和高漲嘅情緒;或請另一半同家人先幫忙照顧一下孩子,畀自己休息一下紓緩繃緊嘅神經,等心身都平復後再接手返照顧孩子。

 

Text: Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道