【我的懷孕初期 4個月身心變化唔簡單】

其實小妹一直都好想30歲前可以結婚生仔；唔知點解會有咁既諗法，不過我係 30歲既時候真係做到了。係 2017年最後一日，去左睇婦產科醫生証實了懷孕 1個月既消息！

胎囊入面個個就係BB啦
由於仲未有照到有心跳，所以都要等到 8w 再去見醫生先確認到預產期係幾時"*

係 8w左右再去見醫生就已經照到有心跳啦；

噗噗噗咁跳得好快，第一次聽到真係開心到想喊架

之後由於初期 BB 未到穩定期

所以隔兩星期都會搵醫生照一照 BB 健唔健康

係 10w 既時候已經見到 BB既雛型啦

同時聽好多媽媽講政府照唐氏既準確率係 80-90%；

始終唔係好放心下都係自費去做 Safe T21"*

佢係抽媽媽既血去驗 DNA 既，準確度達 99.9%架！

又可以驗埋 BB 係男仔定女仔

雖然價錢要成 5千幾 6千蚊，不過可以買個安心，都值得做架"*

所以好快知道我陀既係BB女黎架

而所有染色體都正常，真係心都定 D呀！

同時真係明白到點解人地話養兒100歲，長憂99 啦

完成一個 TASK 之後又要開始擔心其他野

陀住 BB 既頭3個月，真係食咩嘔咩

由本身 64KG 跌到 59KG，直到宜家都係差唔多體重。

無論食粥粉麵飯都嘔到 7彩，唯一淨係食麥皮先唔會嘔。

(明明我由細到大都係唔食麥皮既，竟然宜家會食，果然陀 BB口味會改變係真既)

所以囡囡叫做【麥皮妹妹】呢個花名就係咁黎架啦"*

另外由我未有 BB 既時候已經飲滴雞精；

一包有好多高既蛋白，幫手補身。

果然飲左幾個月之後就有左 BB 啦，我地估計係飲左佢調理好身體所以咁快就 BINGO，

而且係我頭 3個月又嘔人食唔落野既情況

我都係一日一包滴雞精黎補充營養，先可以 KEEP 到 BB 岩 SIZE 岩重量！

直到宜家我都日日飲緊佢。

而且佢仲係月子中心既指定上奶產品，遲D喂人奶都要KEEP住飲"*

仲可以幫手復原體力。

到左 12W 時就去左政府醫院登記同埋抽產前血；

小妹會係政府醫院生，因為平既關係，將 D 錢可以留返第時比囡囡呀嘛！

而且準備小朋友既野真係洗唔少錢架！

由於政府唔會成日有照聲波照，所以我都係 KEEP住私家醫生同政府兩邊睇。

隔一排就可以檢查下，睇下 BB 既生長情況！

13W 個時已經見到佢條脊骨，頭仔都幾大下，已經見到初步既人型。

孕婦亦要補充唔同既 Supplment

頭 3個月每日都要食葉酸, 之後就轉食綜合維他命；

仲要補充埋藻油 DHA

另外因為孕婦既抵抗力低，好容易會病

所以我會食維多C 打定個底，增加維他命 C

最近一次上星期就去左見囡囡

聽到醫生話一切正常已經非常開心！

最攪笑既係囡囡竟然用隻手遮住塊面唔比人睇！

宜家已經 4個月啦！

都見月肚仔突出黎，其實佢好似比一般大咁！不過陀得 BB 健健康康先係最重要！

下次再分享我既懷孕紀錄啦！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Kami

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！