前世情人嘅威力有幾大？睇完呢3件爸媽為左小情人做嘅事，你就會明。

小情人係爸媽嘅最愛，而且願意為佢地付出無限多。小情人有嘅係特權，可以令爸媽唔會為情人做嘅事，通通都為佢地做晒。

1. 爸爸也常去樂園

除左初初拍拖嗰時，會行公園，去海邊，去樂園，都應該好少再去。結婚之後，就更加唔洗講喇。可能好多媽媽都仲覺得迪士尼好靚，但相信好多爸爸都寧願去個悠閒嘅旅行，多過去排長龍同啲公仔影相。 相信媽媽係叫唔郁爸爸去迪士尼嘅，但小情人好想去，爸爸又點會唔去呢？

2. 媽媽唔再怕曬

以前夏天食晏行出街都要拎把遮嘅，依家一到夏天，除左公園，仲會出動去泳池海灘，總之就係要同陽光玩遊戲。除左因為想小情人開心同健康，沒有其他原因吧。

3. 隨時隨地唱兒歌

無論係未識坐嘅BB，定係上左幼稚園嘅小朋友，聽到兒歌，佢地就會好開心，手舞足蹈。所以，好多時都會見到爸爸媽媽喺街上面，同佢嘅小情人，一邊拖住手行，一邊唱唱兒歌。相比起嚟，係咪好少見到有一對情侶，一邊行，一邊唱情歌畀對方聽呢？

Text: Mami Editorial