二人行變三人行 心態大改變

拍拖嗰陣，男朋友永願將女朋友放喺第一位（應該都係心甘情願），女朋友亦都永遠將自己放喺第一位（自己開心男朋友先會開心）。但有咗BB之後，作為爸爸媽媽就會將BB放喺生命中嘅第一位，除咗因為BB太弱小、需要依靠爸爸媽媽全天候照顧外，更大嘅原因係出於愛，而呢種愛亦會大大改變爸爸媽媽以往嘅心態同觀念，各位又有冇以下3項改變呢？

1.BB永遠優先

無論爸爸媽媽食緊嘢定去廁所，只要一聽到BB喊，都一定9秒9起身衝去安撫BB，將個人嘅生物邏輯層拋諸腦後，只為滿足BB嘅需要先。

2.BB嘢幾貴都會買

香港百物謄貴、樓價又高，無論爸爸媽媽平時幾死慳死抵都好，都絕對唔會慳喺BB身上。只要覺得對BB有好處，爸爸媽媽就算幾肉赤都好，都會願意買畀BB，但偏偏BB嘢都唔平，爸爸媽媽通常都唯有「窮自己，闊佬BB」。

3.最緊要乾淨

平時自以為冇咩潔癖、「細菌當補品」嘅爸爸媽媽，喺BB出世之後就經常性洗手，所有畀BB掂嘅嘢都絕對要先消毒抹乾淨。所有未洗乾淨嘅手想抱或摸BB，都一律被父母視為惡菌襲擊！所以各位想親近BB嘅朋友，記得要洗乾淨對手先。

Text: Mami Editorial