乳腺阻塞痛到癲 3個紓緩急救方法

媽媽產後哺乳期最怕遇到嘅就係乳腺阻塞，當摸到乳房有硬塊，又熱又刺痛，無論點推都唔散嘅時候，就好有可能係乳腺塞住咗！如果唔及時處理，就好大機會惡化成乳腺炎。遇到乳腺阻塞嘅媽媽，一定要將奶水擠出來，先可以改善症狀，以下3個方法可以幫助媽媽快速解決問題！

1.患側繼續哺乳

BB係最好嘅吸奶神手，媽媽可以將寶寶嘅下巴正對著硬塊處，可以幫助阻塞處的奶水排出。

2.熱敷患部

有效令乳腺管擴張，令乳汁較易流動。（注意小心燙傷皮膚）

3.服食卵磷脂

可輕鬆解決乳腺阻塞嘅神物，卵磷脂有乳化作用，可以解低乳汁嘅濃稠度，令乳腺管暢通。

如果上述方法都無效，而乳腺阻塞超過48小時都無改善，媽媽應致電母嬰健康院尋求協助。

Text: Mami Editorial