細佬出世家姐行為倒退 Bob嫂無晒符唯發長文抒感受

By man.chiu on 07 Nov 2017

眾所周知，阿Bob林盛斌是個愛家男，有個幸福美滿的家，其太太既為他誕下三個可愛的女兒，亦於本年（2017年）八月誕下男嬰林道申（Jaye），而Bob和太太亦不時在社交平台上上載多張囝囝的靚仔相，未知是否此事而令女兒們在各行為上都出現問題，需要到Bob嫂出面解決，讓Bob嫂大為頭痛。

Bob嫂日前在網上社交平台上寫下長文，指三名女兒擔心父母對她們的關注被分薄，從而出現各式各樣的行為問題，情緒亦變得反覆無常。Bob嫂所撰寫的文章如下：

每次有新兄弟姊妹的出世意味著家庭將要經曆一場不大不小嘅風暴，可能每個家庭不盡相同，而對於我嘅家庭，最難處理必定係家姐（們）嘅行為倒退。

通常呢啲情況係因為細嘅出世，自然享受最多嘅關注，大嘅自然感覺被忽略，然後出現各種行為嘅反常。例如本來可以自行如厠卻突然話唔識、或是本來可以自行食完一整碗飯，現在卻一啖都要人餵、另外仲有最重要嘅情緒起伏不定。呢啲行為（我）統稱為行為倒退，至於點算唔索性叫妒忌呢？因為大嘅平常時候分明十分愛錫細嘅，每日都要錫錫，只係當大嘅感到明顯嘅忽略，行為就會突然倒退，有時加上情緒嘅暴發，而且完全不能處理。