有咗BB先會養成嘅習慣 5個行為入面睇下中咗幾多！

BB出咗世之後，唔單止生活模式改變哂，就連平時嘅習慣、行為都唔同哂！唔好話朋友覺得你唔同咗，就連你自己都唔認得自己呀！以下呢5個行為，又係咪你而家嘅生活寫照呢？

1. 出街望多左BB

明明本身唔係太中意BB或小朋友，但當自己嘅BB出咗世之後，就會渾身散發住母愛或父愛，當出街見到其他BB或小朋友果陣，都會不期然望住佢地，甚至想哄佢地笑，變哂一副副慈父慈母相。

2. 留意多左同BB相關嘅報道

一睇到有關「嬰兒」、「孕婦」字眼嘅新聞報道，都會即刻詳睇內文，仲會轉發埋俾另一半一齊睇，一齊回憶返生仔果時嘅經歷，或提醒大家照顧小朋友時要小心D，避免犯上報道中嘅錯誤。

3. 出街睇BB野多

原本諗住出街買野獎勵下自己，點知行行下會習慣性行咗入去嬰兒用品區，見到咩都覺得「好似岩BB用」、「BB應該會好中意」⋯⋯最後買左好多野俾BB，而自己咩都冇。

4. 每日都要影一大堆BB相

「BB大得快，日日都會唔同樣」成為父母每日都要同BB影相嘅充份理由，原本打算影一張，點知呢頭撳完掣，果頭BB整個仲得意嘅表情，最後影左幾十張，張張相都差唔多但又唔捨得刪，隔幾日手機就會顯示空間不足。

5. 講咩話題都一定聯繫到BB

無論同咩朋友講咩話題都好，最後你都有辦法講到去BB身上，仲要朋友同你一齊睇BB相，連原本嘅話題係咩都唔記得。

Text: Mami Editorial