與KAY同患抑鬱！張繼聰發感性長文～回憶食藥頂硬上撐老婆得獎

有愛妻號之稱的張繼聰(Louis)，幾年前在《老表，你好嘢！》的突破演出，讓他成功在電視及電影圈殺出血路，工作有增無減。現時眾人眼中的Louis事業家庭兩得意，但其實一路走來並不容易，早前他便於Facebook上回顧老婆謝安琪（Kay）在「2009年度叱咤樂壇頒獎典禮」獲得女歌手銀獎的片段，並表示當時與Kay都患有抑鬱症，當時在鏡頭前表現輕鬆的他，生理及心理皆非常辛苦！

Louis貼文中表示當時與Kay正同時經歷情緒困擾：「在片中所見嘅我，其實當時食行藥，所以好口乾，好頭暈，好攰，個cam又起勢隊住隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會比人點嘲笑，總之九萬幾個層次又li 又lu .....同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力，佢都係考緊宇宙俾佢嘅試....」其實當年Louis被稱為「廢柴老公」，而Kay亦屢受整容傳聞、走音是非等困擾，二人均承受巨大的群眾壓力。

老婆事業如日中天，Louis明知出席頒獎禮要面對外界壓力，卻依然「食行藥」去支持老婆，實在是廿四孝好老公！而這段經歷雖然艱苦，但也為張繼聰帶來另一番體會：「每一個經歷其實冇乜意義，意義係由自己去界定，但係一定比你想像中美好同重要，就算當時係幾惡啃都好，好好行自己嘅路就掂。就好似我家吓睇番段片，發現原來果日唔係路障，而係加油站，令我選擇之後嘅路，決心尋找快樂同自在，亦係果日，令我更有勇氣去更多嘅頒獎禮，食更多嘅白果」

Louis與Kay一起走過人生的高山低谷，難怪現時如此恩愛！Louis靠住一份堅持，與太太走出抑鬱，且在演藝事業上得到大眾認同，讓太太可以安心放下工作，全心照顧屋企，當中的毅力、勇氣及對家人的愛護，都很值得大家學習啊！

Text: Mami Editorial
Photo Source: tvb、facebook