【一連四日年度全港澳最大型BB展正式開鑼善用優惠劵書仔教你掃平貨兼拎贈品攻略】

By man.chiu on 03 Aug 2018

嬰幼兒產品嘅價錢十分昂貴，所以一年一度嘅BB展可以話係爸媽慳錢掃貨嘅矚目盛事，尿片、奶粉、嬰幼兒用品、玩具等都全以優惠價發售；Hall 1同Hall 3 內各大小攤位都有贈品送贈，如有埋會場嘅優惠小冊子，即使無買野，都可以拎到一大堆贈品滿載而歸。

入場前小貼士：

準備去BB展嘅媽媽，記得要準備以下物品先好進場：

‧ 拎定原子筆（優惠小冊子內有很多都需要填上資料才會得到贈品，筆係唔少得！）

‧ 一部滿電嘅電話（場內各大小攤位即Like Facebook 就可以獲贈禮物，所以電話好重要）

‧ 手提充電器（慎防電話無電啦！）

‧ 一個行李箱／車仔（如果你決定要大量掃貨嘅話）

‧ 大隻C6 ／閨蜜（媽媽要去掃貨當然要帶多個人幫下眼、拎下野，最重要係可以有多一份贈品）

準備好一切，出發！

BB展由今日起一連四日於灣仔會展Hall1及Hall 3舉行，近約千個攤位，為家長提供全面嘅購物集中地。想入會場當然就先要有門票，會場會售票處設係Hall 3C，所以如果想快人一步就要係出面嘅便利店或網站一早買定啦！門票一張價錢為$30, 優惠小冊子則要$20, 而大家亦可以係場內憑飛尾去詢問處購買優惠小冊子亦可以；大會地圖除左優惠小冊子內有之外，亦可以去詢問處掃QR Code！

Photo from Presslogic；雅培：登記入會就可以獲得熊仔同熊仔袋，好得意㗎！

Photo from Presslogic；牛欄牌：登記入會就有兩盒牛欄牌紙包牛奶，好彩嘅仲會見到牛牛㗎～

Photo from Presslogic：HiPP：登記入會就有麻質環保袋，而入面就有一支Baby Water 同口水肩一條

Photo from Presslogic；美贊臣：登記入會就會得到嬰兒掛袋同Supplement

Photo from Presslogic；NUK：登記入會可以得到濕紙巾

Photo from Presslogic；美素佳兒：登記入會後就可以得到牛牛帳篷、孕媽媽奶粉、小背囊

Photo from Presslogic；Pampers：分新生嬰兒、拉拉褲兩區，登記入會就可以拎到相關嘅試用裝產品

Hall 1 各大奶粉、尿片、滴雞精等品牌聚集地

Hall 1 可以話係主場，唔單止有齊如美贊臣、雀巢、雅培、美素佳兒、惠氏、Hipp、Huggies、GOO.N、雪印、NUK等各大品牌，同有好多試食嘅攤位添。BB展內最受孕媽同爸媽歡迎必定係奶粉／尿片品牌的攤位，因只要登記入媽媽會即有禮物送，如即場購買埋奶粉／尿片，仲有機會送埋如行李箱、迷你廚房玩具、滑板車等等嘅豐富禮物，但提提大家，哩啲攤位排隊嘅時間較長（甚至需要半小時或以上），故會建議先上網預約，會較為好！