謝霆鋒瘋狂撳掣轉身搶人 哈林勸停！ 破《好聲音》史上最快揀學員紀錄

Chef Le Mon謝霆鋒廚藝了得係人都知，年初宣佈回歸樂壇後，近排推出新歌，又係內地電視節目《中國好聲音》擔任導師。霆鋒係上周五(13日)播出的首集，一下收夠6名學員，大家要留意每位導師只可錄取6位學員。睇到其他導師周杰倫(周董)、哈林(庾澄慶)、李健都「O晒嘴」！

霆鋒對音樂團火未熄，係節目一開始chok住出場，同其他合作演繹三首作品：《讓我一次愛個夠》、《因為愛所以愛》和《霍元甲》。

係學員「搶人」環節入面，創咗最短時間「撳掣轉身搶人」嘅紀錄，有一名學員王朝唱《黃河謠》時，霆鋒只聽「黃河」2粒字，扣咗前奏，學員只係唱咗4秒，就轉身揀咗佢。哈林更笑霆鋒：「霆鋒，你要『霆』止『鋒』狂」，甚至有觀眾叫佢返《十二道鋒味》煮飯。

其後，學員用唔鹹唔淡嘅廣東歌唱《半點心》同霆鋒嘅歌《潛龍勿用》，都受霆鋒賞識，成為謝營。真係唔知呢下喪收學員係為咩，但只係知霆鋒喺首集已經收夠6名學員，餘下嘅集數佢會做咩呢？

Text: Mami Editorial

Photo Source:《中國好聲音》