娛圈喜事多羅羅 B女特別旺 同你細數7個生B女嘅名藝人

2018年雖然已過了一半，但娛樂圈嘅喜事不斷，有唔少明星輪住報喜，而生B女更是一個接一個，唔通今年旺生B女？依家就同大家數7個生B女嘅名藝人啦！

黎明
要數到最轟動，當然係黎明啦！唔單止突然話同比佢年輕19年嘅女友助手Wing相愛，並係社交網承認5磅多嘅B女已經出世，正式榮升做新手爸爸。

熊黛林
自離開「天王嫂」名涵，熊黛林便同郭可頌拍拖結婚，甚至成功佗B，懷孕近十個月便擇日開刀誕下5磅重嘅孖女，竪日更透過公司發布一家四口全家福，十分幸福。

李漫芬
娛樂主播李漫芬（Fanny）與圈外男友談成坤結婚後，不足一年已做人成功，並係本年4月1日剖腹誕下重7磅8嘅女兒談在心，還剛替愛囡擺百日宴。

官恩娜（Ella）
歌手官恩娜自2015年同老公Domingo誕下囝囝BéBé G後，一直都係社交網上載生活點滴，隨後再宣布懷孕，並係今年1月中再誕下女兒BéBé A，雖然Ella自結婚生B後就已退居幕後，甚至無復出計劃，專心湊B，但佢卻推出新歌《寶貝兒》來送給仔女。

李璨琛
藝人李璨琛同時裝設計師太太梁志瑩結婚5年多，終係今年擁有兩人嘅愛情結晶品，其係本年3月底透過社交網上載一張BB小手握著大手嘅照片，正式宣布小生命嘅來臨，而李璨琛係愛女滿月時，Post出女兒近照說：「大家好我叫元元呀！同大家say個hello先！」。

楊潮凱
藝人楊潮凱同圈外初戀女友係2013年正式拉埋天窗，結束11年愛情長跑，並於去年十月係社交網宣布「我做爸爸喇！」，直至本年3月，楊太誕下7磅重嘅女兒，新手爸爸楊潮凱更為愛囡影滿月寫真，獲得不少網民大讚。

甘比
富豪劉鑾雄（大劉）嘅太太甘比（陳凱韻）係去年9月有傳懷有第3胎，直到今年1月尾再有指她已誕下女兒，當媒體向大劉及甘比查問時，兩人均承認女兒已出世，而這一胎更是他們婚後所懷嘅第1胎，相信別具意義。

除了一班已經出世嘅B女外，仲有一啲B女亦等着來臨！就好似歌手陳柏宇在社交網上載一張超聲波相，宣布太太符曉薇佗B，及後兩公婆更以切蛋糕嘅方式公布太太佗B女；而無綫主持梁麗翹自去年12月宣布懷孕後，一直都無公布BB性別，而較早前佢舉辦Baby Shower，場地佈置以粉色為主，不禁令人懷疑佢正係佗B女。

Text: Mami Editorial
Photo Source: 黎明、熊黛林、李漫芬、官恩娜、李璨琛、楊潮凱、陳柏宇@IG、Facebook