張繼聰哄老婆超有計 搞笑交戲好有愛 森美認把口衰自愧不如

謝安琪（Kay）上了森美主持的電台節目《公子會》，大談同老公張繼聰相處方式。等阿Kay講完之後，森美想邀請張繼聰上來做節目嘉賓，但之後又後悔了「唔可以俾佢拉高個standard，咁搞法我哋啲男人要做多好多嘢！」

森美訪問阿Kay時，提到自己比老婆問「我有冇肥咗呀？」，自稱對運動好認真的森美，以前會這樣回答：「你運動又運得少，跑兩步又嗌停，你點會瘦！」，還會拿計數機出來算計卡路里。連阿Kay問：「咩事呀你？你估佢而家需要個PT（私人教練）咩？」

其後，阿Kay分享平時老公哄自己的方法，更表示是一種藝術！

阿Kay問張繼聰：「我呢排有冇瘦咗呀？」

張繼聰：「咦！你企喺邊度呀？瘦到見唔到你呀！」

平時行過阿Kay身旁，會扮跣一跣「哎呀～」，然後張繼聰話：「嘩～好滑呀！」

.

森美聽完表示，「張繼聰度哂對白，又交埋戲，邊有得輸！真係自愧不如！」

.

其實，在IG上阿Kay同張繼聰都不時互放閃光彈，張繼聰：「依張相係一年前嘅今日影嘅，我地懷住又感恩又緊張嘅心情迎接妹妹嘅來臨，感謝太太偉大嘅付出，I love u honey ！永遠都記得係產房嘅心情。生命，真係奇妙而偉大⋯⋯」

.
阿Kay亦分享兩人相：《浪漫》

一早起來
一套我喜歡的愛情片正在播放中
一邊吃早餐一邊看
一會兒笑一會兒哭…… 某人起床說
一起床就看愛情片又哭又笑是什麼玩意

我說
我浪漫是天生的
每天醒來已經是愛情片
只不過你無時無刻都像搞笑片
我也沒有怪你常常把我的浪漫氛圍破壞了

他說
OK...你這幾句對白已經相當搞笑…… 完

#我浪漫你搞笑
#我的愛情是搞笑片

Text: Mami Editorial

Photo Source:謝安琪,張繼聰,森美@Instagram、Facebook