【家用】中四未成年已被屋企要求畀家用中學生自力更生呻唔知點樣捱落去

By Dara on 15 Sep 2025

Deputy Managing Editor

當自己成為父母，才明白父母的喜怒哀樂，以及無私的愛！

當中六學生們都在為DSE作最後衝刺，埋首書海奮力一搏之際，有人卻要將寶貴的溫習時間，分割給快餐店的兼職工作，目的僅僅是為了賺取自己的「生活費」。一名中六學生網上分享，受屋企經濟剝削，不但沒有零用，更要打工賺錢畀家用，承受經濟重擔與家庭情感的漠視，引起讀者心痛。

Photo from MamiDaily

中三開始半工讀生涯

事主在「nss.secrets」上發帖，內容為「屋企嘅壓力」，道出自己沉重壓力來源。「我今年中六，喺中三嘅時候已經出嚟Pt（兼職），屋企唔富裕，喺初中嘅時候會俾零用錢，一個星期$200，呢$200係包一個星期七日嘅食飯錢、車錢仲有出街錢，由於初中嘅時候處於疫情，所以冇乜出街食過飯，都係屋企食，所以$200一個星期嗰陣都勉勉強強，直到中三出嚟做Pt做M記（放學時間同星期六日返）為自己賺啲零用錢，而當時，屋企人見我有返工，因此連一星期$200嘅零用錢都唔再俾，咁我都覺得算了。」

中四被要求給家用

中四時，家人不但沒有給零用，反而開始要求事主每月上繳$1000家用，作為租金水電費等等的費用。「咁我當然係唔肯嘅，我一個月返M記返晒所有得閒嘅時間，最多都係得個$3000。」收入僅三千元，且需應付自己所有開銷的學生而言，給一千家用無疑是天方夜譚。家庭不僅覬覦他辛苦賺來的血汗錢，甚至連政府用以資助學業的書簿津貼、親戚給予的生日利是和新年利是錢也盡數取走。「最尾因為呢件事，我以退學為威脅，先唔使俾家用，但係呢件事一直留喺我心入面。」

Photo from MamiDaily

家人猶如吸血鬼

家人的索求，令事主感到無比困惑與受傷。他憶述，當身體不適時，家人會因「睇醫生嘥錢」而拒絕帶他求醫，即便他表示願意自費，家人也拒絕陪伴。這種冷漠的態度，讓他感覺自己在家中彷彿是一個提款機，而非被關愛的孩子。

「曾經一次返好多日pt，出糧出過4000幾，屋企人就不斷叫我俾錢佢哋。」家人不斷施壓討錢，最終他只能交出$500了事。他感慨地回憶，家人從未給過一張500紙幣的零用錢，更用「吸血鬼」來形容他們，這個詞彙沉重地概括了他多年來承受的壓力與無奈。

Photo from MamiDaily

面臨考DSE溫仍要去返工

如今，事主已是應屆DSE考生，每天依然要在學業與工作中掙扎求存，「由中三返pt返到而家中六，雖然習慣咗邊返工邊讀書嘅狀態，但係都係會覺得好攰。」然而他清楚知道，即使自己不去兼職，家人不會再給他零用錢，無奈指：「唔知點樣捱落去，人人啲時間準備溫書考DSE，我啲時間攞嚟返工賺屬於自己嘅『生活費』」。他感到自己被遺棄，處於「自生自滅」的狀態，並對未來感到憂慮，不知道將來投身社會後，家人會要求他上繳多麼沉重的家用。