颱風季節開始啦 落雨鞋濕好煩腦？ 4大奇招極速乾鞋大法

今個星期接近7日都會下雨，小朋友上學大人上班，即使帶左雨傘都係會由頭濕到落腳。鞋襪濕住全日，真係好辛苦，唔單止腳仔「臭崩崩」、仲會有皮膚問題。 所以，教你4大奇招極速乾鞋大法，處理鞋濕問題！

第一招：報紙／公文袋

唔少人會用紙巾吸走鞋上雨水，但其實報紙及公文袋有超強既吸濕力，仲可以吸走臭味。先將報紙捲成球狀，放入鞋內，再用報紙包鞋。當報紙全濕透後，便重複上述步驟，換上新報紙。

第二招： 竹炭包

雜貨店、十蚊店常見既竹炭包吸濕力、除臭力、殺菌力，真係超強大，放入鞋內都可以極速吸走鞋內濕氣。

第四招：風筒／乾手機

另外，善用洗手間既乾手機或風筒，先將「鞋舌」翻出黎，整走鞋頭水份，之後吹乾鞋子。謹記不宜連續吹太耐，因為過熱會容易令乾手機或風筒燒壞，每使用10分鐘就好停一停。

第四招：水樽掠鞋

原理係垂直鞋子，可讓鞋內水自然流出來。呢個方法比平放風乾，快乾2-3倍。

Text: Mami Editorial