唔做緊張大師怪獸家長 爸媽唔應該幫小朋友做5件事 自由成長好重要

每個孩子都係爸爸媽媽既寶貝，做人父母都希望可以見到小朋友健康成長。而成長過程中，家長過份保護，容易做成小朋友既依賴。而以下的5件事，係爸媽唔應該幫小朋友做：

1. 唔好幫小朋友講野

唔係完全唔幫，而係畀機會小朋友嘗試回答，就例如有人問「小朋友叫咩名」，好多家長會搶答，咁小朋友就無左學習社交溝通既機會，之然同人相處好容易無自信，會好依賴爸媽去找答案。

.

2. 唔好成日幫小朋友完成挑戰

當爸媽見到小朋友有野做唔到，好易睇唔過眼，就出手去幫小孩。然而，小朋友每日都係成長和學習，大家要學習放手，畀小朋友做錯，從而係錯誤中學習。當然，如果錯誤會傷害到自己或身邊既人，父母要立即停止小朋友行為。

3.唔好將自己年輕時無完成既野，變成對小孩既望

我地年輕時，總係有好多理想，但理想落空後，難免好想小朋友幫我地完成自己無完全既理想，但僅記你既人生係你既；小孩既人生係佢，每個人應為自己人生負責。

4.唔好成日幫小朋友決定

係小朋友2歲時已經開始有「我」既意識，有部分決定可以由佢地自己選擇。因此，家長唔好再認為「哩個係小孩應該想要既野」，而幫佢地決定晒所有野。

5. 唔好幫小朋友選擇「口味」

就如上一點提到，小朋友應自己選擇，就例如愛好興趣。家長應畀小朋友係自己有興趣的領域發展。另外，獎勵小朋友時，應讓孩子選擇自己真正想要既禮物，因為你既口味，唔一定係小朋友既口味架！

Text: Mami Editorial

Photo Source:安志杰,周汶錡,吳尊@Instagram,微博