【親子教養】育兒鬆一Zone：了解成長發展 調整合理期望
上星期，相約幾位中學同學出來聚舊，大家都已經為人父母，各自育有幾歲大的小朋友，所以話題都離不開管教子女方面，我當然樂於傾聽。席間，朋友A首先發言：「我兩歲大嘅囡囡填顏色時成日都出晒界，隔離屋嗰仔都係同佢一樣大，但畫啲畫好靚，仲攞過獎添！」
父母總嫌子女做不好
朋友B插嘴：「我三歲大嘅仔仔咪又係一樣，寫字唔靚，所以我成日會擦晒佢啲字，迫佢再寫過。」
朋友C附和道：「我嗰仔專注力好差，次次同佢去飲茶，坐唔夠一個鐘就周身郁，扭計要走。」
朋友D更和應：「講起就嬲，我阿囡三歲大已經識『駁嘴』，真係俾佢激死。」
正當大家你一言我一語之際，朋友E似乎看不過眼，帶點激動地表示：「其實，兩、三歲嘅小朋友正處於塗鴉期，佢哋嘅小手肌仍未發展成熟、執筆嘅力度同姿勢都未發展完整，所以填顏色會出界，同埋寫字寫得唔靚係正常不過嘅事；幾歲大嘅小朋友專注力只有十幾分鐘，所以無可能要求佢哋坐定定一個鐘飲茶吧；而且識得『駁嘴』證明佢聰明、語言表達能力強同轉數快，我覺得作為父母唔好只從負面角度睇小朋友嘅行為表現。」
朋友E的連串炮轟令大家一時沉靜下來，氣氛有點尷尬，雖然我心底裏是非常贊成他的說法，簡直想起身拍掌，但這刻我要充當「和事佬」的角色，緩和緊張的氣氛；於是我立即轉移話題，拿張點心紙，着大家揀多些點心來打完場。
Photo from MamiDaily
解說
父母很多時認為小朋友不聽話和頑皮，這些都是源自父母對子女期望的落差所致，令到自己感到不開心和失望。要知道小朋友每天都在成長，身體和心理有很多變化，認知能力亦不斷發展，愈趨成熟，但父母們又有沒有與他們一起成長？對小朋友是否抱著合理期望，抑或是過高或過低呢？
父母要與小朋友一起成長，了解他們不同年紀的成長特徵和需要，調整對他們的期望和管教方法。例如面對兩、三歲的小朋友，要接納他們開始有主見，所以會「Say No」，而不能期望他們像一歲左右小朋友一樣對你言計聽從。所以調整合理期望是非常重要的。
Text：慈慧幼苗
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
