葉翠翠湊仔不假手於人養兒長憂九十九 外傭玩手機BB跌親都唔理 以後會加倍小心。葉翠翠小王子撞瘀咗

現懷有第二胎的葉翠翠（翠翠）預產期為下一個月，日前，直播緊時，翠翠突然聽到「碰」，之後周津羲（小王子）爆喊，原因竟然係外傭姐姐掛住睇手機，無留意BB有危險。翠翠心痛到立即取消晒活動，陪小王子。

翠翠對囝囝小王子一向十分寵愛，甚至24小時陪著小王子，百密一疏，意外都會發生。

直播最後2分鐘出意外

今日翠翠就喺Facebook發文，指「昨晚做直播 40分鐘，在最後的兩分鐘，突然聽到”碰”一聲，然後小王子大喊， 我做完直播馬上睇小王子，發現面上紅晒，問工人姐姐話佢爬得好快跌倒」

小王子就周圍爬外傭唔理會

事後翠翠睇番閉路電視影片，「 發現做直播這40分鐘，工人响度睇手機，比小王子近距離睇手機，周圍爬唔理會，小王子最終站起來然後跌落枱腳撞到面仔。真係激到我飛起！」小朋友係會經常跌倒，但如果我在場，明知有機會會跌，一定會在旁邊睇住，有事都可以即刻扶著。今次明顯係工人唔理會下發生，如果已經睇實下跌倒，我一定唔會怪佢！然後好認真同工人講唔可以再睇手機，唔可以再發生，工人知道我發現了都好驚，我話一定唔可以有第二次！」

*左邊面有條紅色痕

翠翠又話：平時工人姐姐在我面前，同小王子唱晒歌仔，成日讚佢好乖。又話以前顧主啲小朋友成日喊，而家好中意小王子，對小王子好好，「原來顧主一唔睇住都係一樣。」，以後請姐姐都要「真係要打起12分精神」。而唔少網民見到都覺得好肉赤，好心痛，要翠翠加倍小心！

.

其後，翠翠po左囝囝瞓緊覺嘅相，表示小王子面上紅痕已經退了，但變左瘀痕，翠翠留言：「本來安排好下午一連串活動，又係取消晒……小王子面上的紅痕已經退了，但見到紫紫地的痕（瘀咗），雖然唔好深紫，但可以肯定知道當時一定是好大力撞……工人又唔可以鬧，大聲啲都唔得，佢要整蠱你實在太容易了……現在真的只能自己睇實！」

其後，佢地出街都帶埋小王子，「我地無論去邊都會帶著小王子一起，由出世到現在都未試過我同爸 b 去街而把小王子留在家，工作除外。現在更加唔放心。。」

翠翠小心啲，唔好假手於人啦～

Text: Mami Editorial

Photo Source:葉翠翠@Facebook