![【升中派位】升中派位Band 2學生爆大冷 派獲排位極後Band 1中學 媽一原因要叩門!](https://image.mamidaily.com/wp-content/uploads/2024/07/cd8b8102.jpg?auto=format&w=718)
【升中派位】升中派位Band 2學生爆大冷 派獲排位極後Band 1中學 媽一原因要叩門!
今年中一派位結果已於本月9日公布,獲派首三個志願學校的學生整體滿意率為91%,獲派首志願滿意率則為79%。絕大部份家長,最希望子女派得Band 1學校,但今年卻有家長, 女兒爆冷派到Band 1學校,媽媽當場喊了出來,決定幫女兒到Band 2學校叩門。
Photo from MamiDaily
莫名其妙派去勁校
有網民在社交平台Threads發帖,指派位放榜當日,有家長收到小六女兒的電話,告訴她升中派位的結果,聽完後媽媽當場在街上喊了出來。並非女兒派得差,反而是女兒派得超乎預期的好,但這種意外的「好」,是女兒難以承擔的。原來女兒只有Band 2水平,派了去一間Band 1中學,「家長覺得莫名其妙,明明排到四十幾嘅學校點解會派中咗。」
Photo from 《婚後事》劇照
家長打算到Band 2學校「叩門」
媽媽沒有因派到勁校而虛榮心重,反而擔心女兒成績不達標,無法追上進度,讀得太辛苦。所以她想帶女兒到Band 2學校「叩門」,找一間適合她的程度,愉快學習。發帖的網民說:「第一次見到因為派太好嘅家長喊,見識少被震撼到,呢個女有個好媽媽!祝你哋叩門成功!」
Photo from 《教束》劇照
分析派入勁校原因
帖文引來不少留言,有人估計,「有啲Band one A太勁,所以冇人敢揀」,所以事主女兒填寫志願時,排這麼後的位置仍然抽中,有網友分享:「我知嘅係(有學生)考over 100(名),但派1A,仲要係全網最勁嗰間」。有經驗人士指出,升中派位除了學生的呈分試成績外,還要考慮小學排名、師兄師姐入學分班試等多方面條件,有機會導致「唔夠banding嘅學生被提升咗上去,反之自己夠banding嘅又被學校排名、師兄師姐(考Pre-S1)拉返落去?最後大兜亂搞到學校收唔啱人,學生又派亂晒要自己叩門執位」。
Photo from MamiDaily
勉強無幸福
有一少網民贊成媽媽的做法,寧願幫女兒叩一間適合她的中學,「事實上夾硬入band 1冇意思,唔係話分階層,只不過唔同程度嘅學生接受唔同程度嘅教育,應該會好過夾硬比仔女去接受跨水平嘅教育」、「我以前做私人補習,有一個明明係band three程度嘅學生大抽獎去咗Band 1A嘅中學。最後佢嘅英文考試係9分(100分滿分)」、「我覺得媽媽嘅選擇係明智!如果清楚知道個女會跟唔上,俾佢讀band 2會好好多,佢上倒band 1 但每次考試分數都好差,比同學差一截,個信心係會一路跌,只會越嚟越差」、「唔轉會留班」、「勉強無幸福」。
Photo from 《那些年,我們一起追的女孩》劇照
部份網民建議入讀
不過亦有一批網民認為,既然天意要女兒入了勁校,如果程度不是相差太遠,建議入讀試一試,「如果成績唔係爭太遠,就照take offer,Band 1賣點係學習氣氛,敎學環境,成績都係次要」、「既然都派咗,點解唔嘗試下先?band 1唔啱可以轉返出去,但band 2-3考入band 1甚至大學真係難好多……」、「如果係2a派去1c應該唔會太辛苦啫,同埋真係讀完中一真係唔掂要轉都應該有band2肯收啩」。
延伸閱讀:
延伸閱讀:
Text:Mami Editorial
Source:Threads