【BB出國】2歲仔耳痛機上喪喊1/3航程 乘客斥不應帶小孩旅行 網民立場分化
BB出國不容易！一般上，2歲前的兒童可購買嬰兒機票，以優惠價格跟隨父母出遊。然而，嬰幼兒可能因為各種原因感到不適而哭鬧，打擾其他乘客。日前有網民就分享朋友親身經歷，因為2歲仔於機上大喊近3分1航程，結果遭乘客投訴不該帶小朋友旅行。
Photo from 《淚之女王》劇照
BB出國｜2歲仔耳痛機上喪喊
樓主於《香港討論區》以「應唔應該帶小朋友搭飛機去旅行？」為題發帖，分享朋友的親身經歷而引起的思考。樓主朋友早前帶2歲半兒子前往日本旅行，由於小朋友難忍氣壓導致的耳鳴、耳痛等耳部症狀，因此在接近3小時的航程中哭足1小時。
BB出國｜乘客指責不該帶幼兒旅行
小朋友的哭鬧聲引起部分乘客不滿，有人直接責備樓主朋友「唔應該帶小朋友去旅行」，反而令整個機艙氣氛更加尷尬。樓主朋友對此感到非常抱歉，然而卻不認同乘客的說法。樓主表示自己支持朋友帶孩子體驗親子遊，但難免飛行途中會遇到突發情況，因此好奇其他人怎們看待「「帶小朋友搭飛機去旅行」這件事。
Photo from 《特務搞飛機》劇照
BB出國｜乘客立場支持不帶孩子出國
不少網民在貼文留言討論，首先有人以乘客立場發表看法，「如果你有辦法令到小朋友唔搔擾其他人，咁去唔去喺你自由」、「等仔仔大個d先啦， 佢又辛苦又唔係好記得細個去旅行d嘢」、「你又辛苦、仔又辛苦、其他人又受騷擾，做乜做埋三不利嘅事」、「帶bb，小朋友搭飛機去旅行是極之自私行為」、「去旅行都係想留下回憶，但 2.5 歲太細個嘞，回憶層根本都未開發，等佢大d先帶佢去」。
BB出國｜父母立場支持帶孩子出國
另外，亦有站在父母立場的網民留言表示會帶小朋友出國旅行，「兩歲前機票平啲吖嘛」、「梗係帶啦，2歲半已經好識野， 唔係包機， 又或者頭等就唔好比小朋友座，飛機餐仲要特別安排全部有機食物」、「你未生小朋友之前其他乘客都帶小朋友上飛機㗎啦，依家到你生咪到佢哋感受返，我覺得好公平喎」。
Photo from MamiDaily
BB出國｜為何小朋友會耳痛？如何舒緩？
衛生署旅遊健康網站服務資料顯示，一般民航機的氣壓相等於約海拔2000米，容易導致乘客因壓力而出現耳痛症狀。當飛機起飛時，中耳內的空氣便會膨脹，由耳咽管流到鼻咽。但當降落時，因為要平衡壓力，空氣要經耳咽管回流中耳內，但是耳咽管就好像一條軟膠管，越是大力吸，膠管越是變得扁平起來，引致耳痛。
父母可以隨身準備奶咀或糖果，在飛機降落時給小孩吸吮，容易令小孩中耳內氣壓平衡，減少耳痛。
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
