每晚兩百萬塵蟎同你一齊訓 3招清理床褥搞掂塵蟎

又到鼻敏感高峰期，晚晚打噴嚏、流鼻水，有無諗過係塵蟎作怪？有研究指出，一將用左1年既床褥可以有兩百萬塵蟎係上面，唔想同塵蟎一齊訓，就要定期清潔床褥啦～

第一招：高溫蒸死塵蟎

塵蟎係潮濕、溫暖、及陰暗環境生長，但佢地害怕高溫。我地可以用攝氏60度蒸氣機殺死大塵蟎。平時係屋企可以用蒸氣熨斗墊住毛巾熨床褥，都可以有效殺死塵蟎。而拎床褥到陽光下日曬，都有同樣效果。

第二招：吸塵斷絕塵蟎食物

塵蟎會以人體皮屑作為食物，所以平日要斷絕佢既食物，每隔2星期吸一次塵，走床褥上既塵埃及皮膚碎屑。最好用水濾式吸塵機，將吸入機內隔水，以免塵埃從排氣孔噴出來。

第三招：梳打粉混合吸塵機大法

更可用梳打粉清潔床褥，先用吸塵機把大部分塵蟎吸走，然後係床褥灑上梳打粉，待1小時後再用吸麈機將粉末吸走，就可以搞掂塵蟎，清潔床褥。

Text: Mami Editorial