【生仔要考牌】日本返港遇6細路齊喧嘩滋擾　港男嘆「爽過去紅館」暗批家長無家教

By ashly.eng on 21 Mar 2024

Digital Editor

帶小朋友出門旅遊，搭機就是一大挑戰，經常因為小朋友喧嘩而引起不少爭論。日前，一名港男就發文分享自己一次性遇到6名兒童在飛機上喧嘩、玩鬧的經歷，整整4個鐘頭不間斷的滋擾讓他深受其害，自嘲表示：「爽過去紅館」，暗批家長無家教，引起網民熱議！

Photo from 《特務搞飛機》劇照

網民日本搭機返香港遇6童「演出」

原po在Facebook群組「HK Express香港快運及旅行資訊關注組」發帖，表示自己日前乘坐香港快運航空，從福岡返回香港，結果遇上「6個小朋友演出，爽過去紅館」的另類體驗。原po自嘲指出，這6名兒童在4個鐘頭的飛行中「全程無悶場」，讓前後排乘客「大飽耳福」，期間還送上「空姐齊自拍、走廊巡迴表演、人肉按摩椅、NBA咁不停換人換位、嫲嫲keep me five、全程落力大嗌、大力開關窗」。

Photo from 翻攝自FB群組

4個鐘不停走動、發出噪音滋擾乘客

原po上載多條影片，可以見到引發爭議的幾個家庭坐在原po前兩排，期間有小朋友在走廊來回走動、在座位上玩耍打鬧，不停發出笑聲、之後仲扭計大嗌，不停踢前排椅背，而父母嘗試安撫，但卻沒有制止孩子的舉動，亦冇辦法讓小朋友安靜。原以為期間會有空姐空少出來協調情況，未料乘客和空姐可能是相識，不但沒有勸阻父母，反而可以見到其中一名父母抱著小朋友同空姐影相，讓原po非常無奈。他補充乘客們有和父母反映，惟情況未獲改善，即使戴上降噪耳機亦無法阻隔噪音。

Photo from 翻攝自FB群組

父母生仔冇考牌遭狠批

貼文曝光後引起網民關注，大家紛紛對原po的遭遇表示同情，譴責父母「生仔冇考牌」，不具備同理心，才會要求其他乘客包容孩子的無理行為。網民評論指：「生仔要考牌⋯⋯啲父母做咩唔出聲控制下自己啲細路？」、「絕對係父母問題！唔好講坐飛機，地鐵巴士都唔可以容許小朋友滋擾到別人，呢d絕對係同理心教養」、「小孩童真無錯，但大人應知道尊重別人」、「我同你同機，全程戴耳機聽住歌都覺得佢地嘈」、「如果個細路係唔受控制嘅，真係唔好帶佢出去坐飛機，要焗住畀佢騷擾幾個鐘頭係好痛苦嘅事」、「呢啲迫人包容嘅情況，真係諗起四個鐘頭要同佢地困獸鬥就辛苦」。