【人生抉擇】繼承家族生意做粉麵檔 收入不穩定　老豆催婚 女朋友恨嫁 港男嘆：無錢點成家

育兒費用對年輕夫妻而言不是一筆小數目，因此不少人都希望先存夠一筆款項再計劃結婚生仔事宜。只不過有時候時間不等人，對的時間未必遇到對的人，因此該不該撇開經濟問題踏入婚姻也成為許多年輕人的困擾。日前一名港男就進退兩難，一邊是家中長輩的催婚，以及女朋友的期待，一邊是難以維生的飲食生意，給不了承諾又唔捨得放手，點做好？

Photo from 《堅離地愛堅離地》劇照

港男做飲食生意 無錢結婚？

版主在「香港討論區」發帖，透露自己有一名交往多年的內地女朋友，近期女朋友來港見家長後，版主父親就開始催婚，「老豆成日講啱就快啲結咗佢，快啲生仔」。然而結婚生仔是人生大事，從父親手上繼承了家族飲食檔口的版主自認沒能力承擔龐大費用。原來受到疫情影響，近來檔口生意越來越差，難以存老婆本及育兒費。

Photo from 《加油吧，威基基》劇照

父親催婚 女友恨嫁

面對父親的催婚，版主非常無奈：「我其實好想同佢講，而家啲生意咁差，結咗婚生埋仔都要洗錢，到時啲錢喺邊度黎？」又指細佬和阿妹已經結婚生子，父親其實已經過上含飴弄孫的生活，不知為何還要給他施加壓力。

此外，版主亦不希望女朋友婚後還要跟著自己過窮日子，也怕女朋友婚後後悔，「最怕結婚之後佢先嚟怨就最慘」。他補充女朋友得知自己想法後，表示：「佢淨係講咗句，都揀咗你啦，就算真係要捱都要捱啦。」似乎已經認定版主就是對的人。

Photo from 《多功能老婆》劇照

網民認為無錢都可以結婚？

貼文曝光後，有網民理解版主的顧慮，也有人認為可以先成家後立業，說不定有太太的幫手會闖出另一片天。網民指：「爸爸都係想你好啫」、「如果女朋友接受到又唔介意同你捱世界嘅，咪開心囉，如果佢介意嘅，咪早分早著，等你兩個都各自有機會去搵返個心水人選結婚都好呀」、「唔好睇小女人，有d係可以同你同甘共苦打天下，幫到你好多，由其家族生意，更需要搵個幫得手，願和你一起打併嘅人」。

不過亦有網民給出其他建議：「老友，好多時要一起住過捱過所有生活細節先結婚，不一齊住過係沒有真正了解對方，一起住一年吧，之後結婚生仔未遲」、「你女朋友想結婚生仔嘅話，咁就快D分手，唔好阻住人地結婚」、「有兩層樓先好生仔，唔係下一代都係做奴工」。

Photo from 《女人街，再見了》劇照

延伸閱讀：
【夫婦開支】老婆使費大，導致每月生活超支，人夫感壓力：結婚前不是這樣
延伸閱讀：
【慳家老公】老公慳家程度變本加厲 人妻擔心影響阿仔價值觀 網友稱已超越「貪小便宜」：唔好因小失大
Text：Mami Editorial

Source：香港討論區