【生仔有2萬蚊】奶奶叫政策生效再生仔，人妻疑惑：真係有人因為2萬考慮生仔？

早前有消息指，政府將會提出向每名新生嬰兒派2萬元，以鼓勵生育，有關消息引起熱議。今日行政長官宣讀施政報告，落實推出新生嬰兒獎勵金。日前，一位女網友指，家中奶奶聽到消息後改口風，叫她真派錢時先好再生仔，令她感到不解：「有冇人真係會因為呢2萬蚊會考慮遲啲先再生小朋友？」

Photo from 《oh my baby》劇照

生仔有錢派

該名網友指，奶奶一直催生多個男孫，但近日看到新聞有關施政報告的消息後，卻改口風：「話之後生仔可能有錢」，叫事主遲一段時間再生。樓主認為有2萬蚊是好事，但金額不大：「其實都幫補唔到啲咩，養一個小朋友要用好多錢㗎，以前就話400萬，而家分分鐘800萬都唔止⋯⋯咩都係錢」，又問網民：「有冇人真係會因為呢2萬蚊會考慮遲啲先再生小朋友？」

Photo from 《BB來了》劇照

網民：唔係話生就生到

帖文引起討論，網民批評：「好離譜」、「如果十年後先派錢，咁係唔係十年後先生」、「你話幾時生就幾時生咩，或者二萬蚊派完你都未生得出」，認為2萬並不值：「一個月兩萬咁就差唔多」，但也有人對奶奶的看法表示認同：「收得一蚊得一蚊」。

Photo from 《寶寶大過天》劇照

政府推出新生嬰兒獎勵金

據統計處資料顯示，2022年嬰兒出生人數僅約32,500人，是近60年來的新低。生育率持續下降，為鼓勵生育，政府推出新生嬰兒獎勵金，措施由今日生效，要求新生嬰兒要在今日或之後在香港出生，父母要有一方為香港居民，措施會持續3年，其後再作檢討。

延伸閱讀：

【租樓族】私樓放租 阿爸寧空置都唔要兩類租客 　一句說話遭仔女嘆冷血 網民反力撐爸爸

延伸閱讀：

【婚姻自救】丈夫以為家人和諧，太太突提離婚始醒覺父母難頂，一舉動獲讚神隊友

Text：Mami Editorial

Source：discuss.com