【買樓分歧】人妻擬出錢買樓，將老公名下舊樓放租，竟遭對方斥責：謀我層樓

mami熱話

By wing.wong on 22 Aug 2023

今時今日，買樓等同結婚，都是人生大事。近日，一名人妻於討論區發文，指現時一家四口住的自住樓是老公所買，她希望買地方更大的新樓，將現時住的舊樓放租幫補家計，但老公卻極力反對，更指太太是「謀佢層樓」，令樓主感到委屈，問網民：「我應該妥協嗎？」

Photo from 《金宵大廈2》劇照

擬買新樓將老公名下舊樓放租

樓主表示，她與老公一向財政獨立，現時一家人住在老公買的自住樓，今年，樓主希望自己出錢買更大的新樓搬屋，並打算將現時的自住樓放租：「諗住放租後多份收入補償返新樓支出」，但丈夫卻拒絕了她的提議：「話層舊樓係佢買，租金收入應歸於佢」。

Photo from 《香港愛情故事》劇照

老公指太太「謀佢層樓」

老公的說法令樓主感到不滿：「但新樓何嘗唔係我出錢買呢，因為面積大咗，價錢都比依家自住樓貴，我認為租金收入彌補我買樓支出都不為過吧？！」然而對方卻發脾氣，認為樓主「謀佢層樓」，更提出：「就算放租租金都係應該屬於佢（丈夫）」、「新樓話冇加佢名連管理費都唔肯交」。

Photo from 《大叔的愛》劇照

對老公反應感到委屈

先生的反應令樓主感到委屈，樓主認為現時住的地方太細，兩個小朋友也不夠空間，才想換樓。事後再於留言區補充：「我已唔計較出錢買樓，只係打算用租金嚟做家用使費，一來可以放下工作照顧小朋友，二來大家可以住大小小。如果以收租金做收入都不為過嗎？」

Photo from 《犀利人妻》劇照

網民：點解要咁計較

網民紛紛留言表示同情：「你確定這個男人係你老公？」、「係咪有問題，謀佢層樓，真係short short哋」，另有網民指兩人價值觀不一：「一個為家庭，一個為自己，問心個句，呢層樓都係家庭財產，點解要講到你你我我咁計較」，並感嘆：「樓主雖然有小朋友，但都仲未去到不分你我，唔係我們，真係要去到我們2合為1唔容易」。